Бес бала тағдыры білім саласына қатысы бар ма?

Бес баланың өмірі, болашақтың бес гүлі ерте солды.

Біз қоғамдағы әр трагедиядан сабақ ала аламыз ба? Әр трагедияның астарына үңіле аламыз ба?

Осы бес баланың аядай бөлмеде ержетіп жатқанының себебін іздеп көрейікші. Ол бес баладан айырылған ата-анаға енді не берсек те қайғысын ортайта алмаспыз, бірақ дәл сондай өмір сүріп жатқан әлі бес мың, тіпті елу мың отбасы бар екенін естен шығармайық. Солар үшін біз не істей аламыз, үкімет нелерді істеу керек?
Иә, бес баласын құшақтап, күндіз-түні жұмыста ата-ана еріккеннен жүрген жоқ, тарыққаннан жүр. Сол бес баланың тамағы мен болашағы деп жүрді, бірақ, ол болашақ ерте қиылды. Ерте қиылуына бәріміз кінәліміз. Тек үкімет емес, баршамыз кінәліміз. Себебі билігі де халыққа қарай қалыптасады.

Жалғасын оқу…

Элементтердің периодтық кестесі

Суретте осы кестедегі элементтерді кімнің алғаш тапқаны туралы ақпарат көрсетілген. Ең көбі кәрі құрлық Еуропаның меншігінде, одан кейін алпауыт Америка. Азияның елдері бұл бәсекеге ат ізін салмаған.

Айтпақшы, кезінде өз құрамындағы елдерге Менделеев кестесі деп оқытқан орыстың еншісінде алты элемент бар екен, бұл да жетістік. Бірақ, дәл осы кестені біздің жұрт әлі Менделеев деген шал түсінде көріпті деген ертегіге сенеді, әлі соның атында деп оқулыққа жазады. Жә, әлі солай оқытса, келер ұрпақ та солай деп жүрер деп алаңдаймын. Шыны керек Менделеев бұл кестенің ретін жасаушылардың, осы кестені осы күйге жеткізуші ғалымдардың ішіндегі бір адам ғана, бұл кесте үшін кімдер терлемеді, бәрінің еңбегін Мәкеңе жаза салмаңыздар, қалған ғалымдарға обал болады.

Жалғасын оқу…

Ғасыр ұстазы 13 мың, Алаш ұстазы 10 мың,  Ұлт ұстазы 5 мың теңге.

Ғасыр ұстазы 13 мың,
Алаш ұстазы 10 мың, 
Ұлт ұстазы 5 мың теңге.
Ұлағатты ұстаз атану бұдан сәл қымбаттау, оның құны 20 мың теңге.

Ұстаздан ұят кетсе, ұлтта ар болмайды. Иә, өз басым Ғасыр ұстазы, Ұлт ұстазы, Алаш ұстазы, Ұлы дала ұстазы деген медальдарды сату немесе сатып алу түгілі сыйлыққа берсе, тағуға намыстанар едім. Жалғасын оқу…

Дипломды сауатсыздан, дипломы жоқ сауатсыз жақсырақ.

Өткенде, тура жаңа жыл күні ұлым ауырып емханаға түсіп, 14 қаңтарға дейін екі апта емханада жатып шықтым. Үйде кішкене қызым тұмау, емханада біз жатырмыз, әбден мазамыз кетті. Әйтеуір, дәрі егудің күшімен толық жазылып үйге келдік. Сол кезде ақ халатты жандардың қадірін түсіндім, кей ісіне сүйіндім, кей ісіне күйіндім. Бізде әр саланың біраз шикілігі, мамандардың немқұрайлылығы, адамға жан ашымастығы жан ауыртады ғой.

Шыны керек бүгін ауырып емханаға түссең де таныс іздеу керек, танысың болмаса… Иә, онда жағдайың танысың болғаннан әлде қайда жаман. Жалғасын оқу…

Қазақ ұлтшылдығы, қазақ мінезі де жаңа сатыға көтерілуі керек

Жыл басы елдің орталық облысының дүрлігуімен басталды. Осындай бір оқиғаларда бүкіл ел назары бұрылып, мұндай бірер құрбандық жоқ кезде мимырт түндей тыныштыққа түсетін бағзыдан бергі әдетіміз, соңғы ғасырдағы мінезімізге айналған-ды. Қарағандыдағы оқиғаны әр кім әр түрлі талдап, тәпсірлеп жатыр. Мен тек ол оқиға емес, жалпы бүгінгі қазақтың басындағы жағдайға байланысты аз кем ойлана кетуді жөн санадым.

Бүгінде Қазақ жеріндегі үлкен экономикадан тартып, кіші экономикалық табыс кімнің қолында? Кәсіпкерлік пен өндіріс кімнің қолында, білім мен бизнес кімнің қолында? Жалдану мен жалшылық кімнің мойнында? Осы сұрақтардың төңірегінде ойланып көрелікші.
Жалғасын оқу…

Ақылды болсаң, алдымен өзіңді тәрбиеле…

Бүгінде “жаға ұстатты мен жұртты шулаттының” арасында тірлік көп. Бір жұрт имансыздықтан, бір жұрт ұятсыздықтан, бір жұрт ұлтсыздықтан көрсе, енді бір жұрт тексіздіктен дейді.

Иә, атын атағың келмейді, бірақ, сол балалар да отбасында тәрбиеленіп, мектептің табалдырығын аттап шығып жатқасын, бүгінгі ұстаз ретінде бір ауыз пікір айтуды өзіме парыз санадым.

Бастысы, бүгін біз тәрбиені ұранға айналдырдық, ұраншыл, «әсіре қызыл» қауымға айналып барамыз. Жеңіл жолмен пайда табу, істен гөрі сөз, сөзден гөрі хайпке ұрыну бүгінгі елге оңай болып тұр. Жалғасын оқу…