ەلەمەنتتەردىڭ پەريودتىق كەستەسى

سۋرەتتە وسى كەستەدەگى ەلەمەنتتەردى كىمنىڭ العاش تاپقانى تۋرالى اقپارات كورسەتىلگەن. ەڭ كوبى كارى قۇرلىق ەۋروپانىڭ مەنشىگىندە، ودان كەيىن الپاۋىت امەريكا. ازيانىڭ ەلدەرى بۇل باسەكەگە ات ءىزىن سالماعان.

ايتپاقشى، كەزىندە ءوز قۇرامىنداعى ەلدەرگە مەندەلەەۆ كەستەسى دەپ وقىتقان ورىستىڭ ەنشىسىندە التى ەلەمەنت بار ەكەن، بۇل دا جەتىستىك. بىراق، ءدال وسى كەستەنى ءبىزدىڭ جۇرت ءالى مەندەلەەۆ دەگەن شال تۇسىندە كورىپتى دەگەن ەرتەگىگە سەنەدى، ءالى سونىڭ اتىندا دەپ وقۋلىققا جازادى. ءجا، ءالى سولاي وقىتسا، كەلەر ۇرپاق تا سولاي دەپ جۇرەر دەپ الاڭدايمىن. شىنى كەرەك مەندەلەەۆ بۇل كەستەنىڭ رەتىن جاساۋشىلاردىڭ، وسى كەستەنى وسى كۇيگە جەتكىزۋشى عالىمداردىڭ ىشىندەگى ءبىر ادام عانا، بۇل كەستە ءۇشىن كىمدەر تەرلەمەدى، ءبارىنىڭ ەڭبەگىن ماكەڭە جازا سالماڭىزدار، قالعان عالىمدارعا وبال بولادى.

جالعاسىن وقۋ…

پاندىك وليمپيادا جانە وليمپيادالىق دايىندىق

وليمپيادا دەسە، بىردەن ەسىمىزگە ءانۇراندار اسقاقتاعان سپورتتىق وليميادالار ەسكە تۇسەدى. ءبىزدىڭ ايتپاعىمىز، بۇدان وزگە اتاعى مەن داڭقى، ايبىنى مەن اۋقىمى ودان الاسالاۋ بولسا دا، ماڭىزى ودان كەم قالماس عىلىم باسەكەسىنىڭ العاشقى ءارى ماڭىزدى باسقىشى – ءپان وليمپياداسى.

ءپان وليمپياداسى – عىلىمنىڭ العاشقى باسقىشى، بالا ساناسىنا عىلىمنىڭ العاشقى ىزدەنىستەرىن قالىپتاستىرىپ، بولاشاق عالىمداردى باۋليتىن، عىلىمعا ەركىن بويلايتىن جاستار قوسىنىن قالىپتاستىراتىن ەڭ ۇلكەن جانە ەڭ تاماشا باعدارلامالىق باسەكە. جالعاسىن وقۋ…

حيميا پانىنەن وليمپيادالىق دايىندىق جوسپارى

ءپان وليمپياداسى — عىلىمنىڭ العاشقى باسقىشتارى، ءپان وليمپياداسىنا دايىندىق ادامنىڭ وقۋشى كەزەڭىندەگى ميدىڭ ەڭ جوعارى قابىلداۋ كەزەڭىندە باستالاتىندىقتان، ول وقۋشىلاردىڭ لوگيكالىق ويلاۋ فورماسىن دامىتىپ قانا قويماي، عىلىمعا دەگەن كوزقاراسىن قالىپتاستىرىپ، بولاشاق باعدارىن ايقىندايتىن تاماشا عىلىمي ىزدەنىس. بولاشاق قازاق عالىمدارى دا بۇگىنگى وليمپيادا جەڭىمپازدارىنان شىعادى دەگەن ۇمىتتەمىز. ءارى وليمپيادا جەڭىمپازدارىنان شىققان عالىم ول بولاشاقتا قازاق عىلىمىنا لوكوموتيۆ بولارىنا سەنىمىمىز كامىل. سول ءۇشىن دە ازدى-كوپتى شۇعىلدانعان جۇمىستارىمىزدى پايدالانىپ، تاجىريبەمىزدى جيناقتاپ، وليمپياداعا باعىتتالعان جوسپاردى وقىرماندارىما ۇسىنىپ وتىرمىن.

جالعاسىن وقۋ…

وقۋ ۇردىسىندە كەشەندى باقىلاۋ جۇمىسىن جۇرگىزۋ جانە پايىزدىق باعالاۋ جۇيەسىن قولدانۋ

قازاقتىڭ تاعدىرى، كەلەشەكتە ەل بولۋى دا مەكتەبىنىڭ قانداي نەگىزدە قۇرىلۋىنا بارىپ تىرەلەدى. مەكتەبىمىزدى تازا، بەرىك ءھام ءوز جانىمىزعا (قازاق جانىنا) ۇيلەسەتىن نەگىزدە قۇرا بىلسەك، كەلەشەگىمىز ءۇشىن تايىنباي-اق سەرتتەسۋگە بولادى. بۇل – ماعجان جۇماباەۆتىڭ ءسوزى. كۇللى الاش قايراتكەرلەرىنىڭ، ۇلت زيالىلارىنىڭ – ويى. ال، ءبىز بۇگىن وزگەمەن سەرتتەسە الامىز با، ۇرپاعىمىز وزگەدەن وق بويى وزىق تۇرا الا ما؟ ءبارى دە مەكتەبىمىزدىڭ قىرى مەن سىرى، ىشكى-سىرتقى الەۋەتىمەن بايلانىستى. وقۋ-وقىتۋ ءىسى – وتاننىڭ بولاشاعى، ءھام ۇلتتىڭ تۇعىرى. بۇل تۇعىردىڭ بەرىكتىگى ءسىز بەن ءبىزدىڭ كەلەشەگىمىز، ۇرپاقتىڭ ۇندەستىگى. جالعاسىن وقۋ…

حيميا عىلىمى – رەسپۋبليكامىزدىڭ بولاشاعى

حيميانىڭ دەربەس ءپان بولعانىنا ۇزاق ۋاقىت بولماسا دا، سوناۋ زاماننان كۇندەلىكتى تۇرمىستا ناقتىلى قولدانىلىپ كەلگەن. مىسالى، ماي مەن كۇلدىڭ قاسيەتىن پايدالانىپ،  قولدان سابىن جاساعان، ايران ۇيىتىپ، قىمىز اشىتقان. حيميانىڭ دامۋى ەرتە زامان، تاياۋ زامان جانە وسى زامان سياقتى ۇقساماعان داۋىرلەردى باسىپ ءوتتى. مىس، تەمىر سياقتى مەتالداردى جانە قورىتپالاردى قورىتۋ، شاراپ اشىتۋ سياقتىلاردىڭ ءبارى دە – حيميانىڭ العاشقى تابىستارى. تاس كومىر، مۇناي، تابيعي گاز سياقتى جاناتىن زاتتاردى اشۋ جانە پايدالانۋ، قاعاز جاساۋ تەحنيكاسىنىڭ جارىققا شىعۋى مەن دامۋى سياقتىلار ادامزات قوعامىنىڭ دامۋىندا ماڭىزدى ءرول اتقارادى. ءدارى-دارمەك حيمياسى مەن مەتاللۋرگيا حيمياسىنىڭ كەڭ كولەمدە زەرتتەلۋى تاياۋ زامان حيمياسىنىڭ جارىققا شىعۋىنا جانە دامۋىنا تاماشا نەگىز قالادى.

جالعاسىن وقۋ…