قوسىمشا ءبىلىم قول بولا ما؟

القيسسا

بۇگىندە بالاسىن قوسىمشا ساباققا جازدىرمايتىن اتا-انا كەمدە-كەم. ءيا، سوناۋ 2014 جىلى «وقۋشىلار نەگە ورتالىق جاعالاپ ءجۇر؟» دەپ وسى باعىتتا العاش سۇراۋ تاستاپ ماقالا جازىپ ەدىم، سودان بەرى بەس جىل. بۇل ءۇردىس قازىر ءتىپتى اۋىرلادى، ول ءبىلىم سالاسىنا پايدالى ما، الدە سىن با؟ بۇگىنگى وقۋشىلار نەگە جاپپاي رەپەتيتورعا جۇگىنىپ كەتتى؟ ءبىز بالامىزدى جازدىرعان قوسىمشانىڭ پايداسى قانشالىقتى؟  

وتكەن جىلى وسى باعىتتا ءار وڭىردە جۇمىس ىستەپ جۇرگەن كاسىپكەرلەرگە، ۇستازدارعا كەڭەس بولسىن دەپ «ورتالىق اشۋ وڭاي ما؟» اتتى ماقالامدى جازىپ ەدىم. «قوسىمشا ءبىلىمنىڭ پايدالى جاعى كوپ، ال ونىڭ ساپاسىن قالاي ارتتىرۋعا بولادى؟» دەگەن ويدان تۋعان ەدى. جالعاسىن وقۋ…

سايلاۋ تۋرالى

سايلاۋ تۋرالى 1.

بۇعان دەيىن ءوزىم كورگەن 2011 جىلى جانە 2015 جىلى ەكى رەت پرەزيدەنتتىك سايلاۋ، ەكى رەت پارلامەنتتىك سايلاۋ ءوتتى. وكىنىشكە، تەك پارلامەنتتىك سايلاۋعا باردىم. پرەزيدەنتتىك سايلاۋعا بارىپ داۋىس بەرمەدىم. نەگە؟

سەبەبى، 2011 جىلى پرەزيدەنتتىك سايلاۋعا «نۇر وتان» پارتياسىنان نۇرسۇلتان نازارباەۆ، قازاقستان كوممۋنيستىك حالىق پارتياسىنان جامبىل احمەتبەكوۆ، تاعى ءبىر اتى بەلگىسىز پارتيادان عاني قاسىموۆ، ەكولوگ ەلەۋسىزوۆ قاتىستى. ال، 2015 جىلى بۇدان دا قىزىق ءۇش كانديدات: نۇرسۇلتان نازارباەۆ — «نۇر وتان» پارتياسى ۇسىنعان; ابىلعازى قۇسايىنوۆ — قازاقستان كاسىپوداقتار فەدەراتسياسىنىڭ باستىعى; تۇرعىن سىزدىقوۆ — قازاقستان كوممۋنيستىك حالىق پارتياسىنىڭ كانديداتى. وسىلاي سايلاۋ ءوتتى. جالعاسىن وقۋ…

انام تۋرالى ەستەلىك

ءيا، الەمدەگى ەڭ ۇلى ەسىم — انا!

مەنىڭ انام — ماقان انبياقىزى. مەن ۇيدە ءۇش ۇل، ەكى قىزدان كەيىن سوڭعى ءسۇت كەنجەسى بولىپ ومىرگە كەلىپپىن. ومىرگە كەلەردەن التى اي بۇرىن انامنىڭ مۇرنىنان قان توقتاماي قالالىق ەمحاناعا تۇسەدى، دارىگەرلەر ىشتەگى بالانى (مەنى) الدىرىپ تاستاۋعا كەڭەس بەرەدى، بىراق، انام كەلىسپەيدى. مەن تۋىلۋعا ءۇش اي قالعاندا قالاداعى دارىگەرلەر انامنىڭ ء«بىر ايلىق عۇمىرى قالدى، قولىمىزدان كەلمەيدى، بالا تۋىلعاندا ەكەۋىنىڭ ءبىرىن بولسا دا، ءبىرىن قۇتقارۋ مۇمكىن ەمەس» دەپ شىعارىپ سالادى. جالعاسىن وقۋ…

بەس بالا تاعدىرى ءبىلىم سالاسىنا قاتىسى بار ما؟

بەس بالانىڭ ءومىرى، بولاشاقتىڭ بەس گۇلى ەرتە سولدى.

ءبىز قوعامداعى ءار تراگەديادان ساباق الا الامىز با؟ ءار تراگەديانىڭ استارىنا ۇڭىلە الامىز با؟

وسى بەس بالانىڭ اياداي بولمەدە ەرجەتىپ جاتقانىنىڭ سەبەبىن ىزدەپ كورەيىكشى. ول بەس بالادان ايىرىلعان اتا-اناعا ەندى نە بەرسەك تە قايعىسىن ورتايتا الماسپىز، بىراق ءدال سونداي ءومىر ءسۇرىپ جاتقان ءالى بەس مىڭ، ءتىپتى ەلۋ مىڭ وتباسى بار ەكەنىن ەستەن شىعارمايىق. سولار ءۇشىن ءبىز نە ىستەي الامىز، ۇكىمەت نەلەردى ىستەۋ كەرەك؟
ءيا، بەس بالاسىن قۇشاقتاپ، كۇندىز-ءتۇنى جۇمىستا اتا-انا ەرىككەننەن جۇرگەن جوق، تارىققاننان ءجۇر. سول بەس بالانىڭ تاماعى مەن بولاشاعى دەپ ءجۇردى، بىراق، ول بولاشاق ەرتە قيىلدى. ەرتە قيىلۋىنا ءبارىمىز كىنالىمىز. تەك ۇكىمەت ەمەس، بارشامىز كىنالىمىز. سەبەبى بيلىگى دە حالىققا قاراي قالىپتاسادى.

جالعاسىن وقۋ…

ەلەمەنتتەردىڭ پەريودتىق كەستەسى

سۋرەتتە وسى كەستەدەگى ەلەمەنتتەردى كىمنىڭ العاش تاپقانى تۋرالى اقپارات كورسەتىلگەن. ەڭ كوبى كارى قۇرلىق ەۋروپانىڭ مەنشىگىندە، ودان كەيىن الپاۋىت امەريكا. ازيانىڭ ەلدەرى بۇل باسەكەگە ات ءىزىن سالماعان.

ايتپاقشى، كەزىندە ءوز قۇرامىنداعى ەلدەرگە مەندەلەەۆ كەستەسى دەپ وقىتقان ورىستىڭ ەنشىسىندە التى ەلەمەنت بار ەكەن، بۇل دا جەتىستىك. بىراق، ءدال وسى كەستەنى ءبىزدىڭ جۇرت ءالى مەندەلەەۆ دەگەن شال تۇسىندە كورىپتى دەگەن ەرتەگىگە سەنەدى، ءالى سونىڭ اتىندا دەپ وقۋلىققا جازادى. ءجا، ءالى سولاي وقىتسا، كەلەر ۇرپاق تا سولاي دەپ جۇرەر دەپ الاڭدايمىن. شىنى كەرەك مەندەلەەۆ بۇل كەستەنىڭ رەتىن جاساۋشىلاردىڭ، وسى كەستەنى وسى كۇيگە جەتكىزۋشى عالىمداردىڭ ىشىندەگى ءبىر ادام عانا، بۇل كەستە ءۇشىن كىمدەر تەرلەمەدى، ءبارىنىڭ ەڭبەگىن ماكەڭە جازا سالماڭىزدار، قالعان عالىمدارعا وبال بولادى.

جالعاسىن وقۋ…

عاسىر ۇستازى 13 مىڭ، الاش ۇستازى 10 مىڭ،  ۇلت ۇستازى 5 مىڭ تەڭگە.

عاسىر ۇستازى 13 مىڭ،
الاش ۇستازى 10 مىڭ، 
ۇلت ۇستازى 5 مىڭ تەڭگە.
ۇلاعاتتى ۇستاز اتانۋ بۇدان ءسال قىمباتتاۋ، ونىڭ قۇنى 20 مىڭ تەڭگە.

ۇستازدان ۇيات كەتسە، ۇلتتا ار بولمايدى. ءيا، ءوز باسىم عاسىر ۇستازى، ۇلت ۇستازى، الاش ۇستازى، ۇلى دالا ۇستازى دەگەن مەدالداردى ساتۋ نەمەسە ساتىپ الۋ تۇگىلى سىيلىققا بەرسە، تاعۋعا نامىستانار ەدىم. جالعاسىن وقۋ…