Avtorlıq sayt nege Ayzere.kz dep ataldı

Bügingi qoğam — aqparattıq keñistiktiñ keñge jayılğan twsı, bwrın on mıñdap tirajben kitaptar şığarıp, oqırman jwrt swrap jürip oqitın edi. Äytpese, bir gazette, iä jurnalda jaqsı dünie jariyalana qalsa, swrau salıp izdeytin edi bizdiñ jwrt. Al qazir şe?

Qazir jaqsı dünie jarq etse, google degen kömekşige jüginip, pernetaqtadan sausaqtar jügiretin boldı. «İzdegeniñ aldıñnan izdemey-aq tabılar» degendey bügingi internet keñistigi izdegeniñdi tabatın mekenge aynaldı. Keyde bügingi jas buın aqındardı ağa buın «internet aqındarı» dep sınaytındı şığardı. Sol internet aqın — jazuşılarınıñ qatarında qalamımızdı qaru etip biz de kelemiz. Bälki, «zamanıñ tülki bolsa, tazı bop ayaqtan şal» degen ata tämsildi eske alsaq, internet twsında şığarmanı osı internet keñistiginde toptastırğan dwrıs ta şığar. Biraq, ärine bwl oqırmanğa qağazdıñ ornın basa almaydı. Sonımen, qoş, biz de ömirden tüygen oylarımızdı jazıp, är aluan saytta jariyalap keldik te, izdegen jwrtqa osınıñ bärin nege bir jerge toptastırmasqa degen oy keldi. Sonımen, jeke sayttı aşudı jön kördik. Sol sayttıñ domeni sol kezdegi jağdayğa baylanıstı ayzere.kz bolıp alındı. Birde jwrt tüsinbey jatır, Ayeke, Ayzere degende, qız-kelinşekterge arnalğan sayt eske tüsedi eken, birden Zere äjemizge baylanıstırıp, bala-şağa, qız-kelinniñ tärbiesine arnalğan sayt pa dep qalamız deydi. Sol üşin nege ayzere.kz dep atalğanı turalı özim tolıq mälimet bere ketudi jön kördim.

Birinşiden. Özim wstaz bolğan soñ da wrpaq tärbiesi turalı tolğamdı, saraptamalıq maqalalardı köptep jazıp, osı salanıñ qırı men sırına köp üñilip, bilim salasınıñ aluan mäseleleri turasında keñinen qalam terbep jürgen edim. Birde osı bağıttağı mäseleni jüyeli köterudi oylap, sayt domeni alındı. Domendi alğanda, tärbie men bilim egiz bolğandıqtan d,a osı tärbieniñ şıñı bolğan Zere äjemizge baylanıstırğan nwsqa birden köñilge qona ketti. Keyin bilim salasına arnayı bağıttalğan «Qazbilim» saytınıñ tizginin wstağan soñ, bwl domen bos küyinde qalğan-dı. İlgeride aytqanday, öleñ, äñgime, maqalalarımdı bir jerge toptastırıp, avtorlıq sayt aşu oyğa keldi, sodan bos twrğan domendi paydalandıq, ärine.

Ekinşiden, bastapqı domen tañdauda da özimizge bwra tartqanımızdı, ärine, moyındaymız. Sebebi, Ayzere degen esim bizge de alıs emes, özimniñ twñğış qızımnıñ esimi bolatın-dı. Men Ayzereniñ tärbiesine qanday jauapkerşilikpen qarasam, jwrt balasınıñ tärbiesi de köz aldına keleri haq. Sol sebepti, «Ayzere» avtorlıq saytımızdıñ bastı bağıtınıñ biri wrpaq tärbiesi bolıp qalğanı anıq.

Ayzere.kz-tiñ aydarlarınan-aq ayqındalıp twrğanday, ömirdiñ özi öleñmen örilip, qara söz bop qambağa qwyılıp jatqanı haq. Ömirden bir isti özgeşe tüyip, şabıtqa erik bergen şaqtıñ tuındısı sol eki aydarda. Al, atam qazaq är isti öz mamanına swra demeytin be edi, bizdiñ de mamandıq — wstazdıq jol, wrpaqtıñ tärbiesi häm bilimi qıl moyında. Sol joldağı tüygenimiz — qos aydar: bilim aynası men wrpaq tärbiesinde. Kelesi, zatıñ kim demekşi, zatım aqın bolğanmen, oqığanım himiya edi. Qazaqtıñ alğaşqı himikteriniñ biri Ahmet Birimjanov:  «Biz himiya ğasırınıñ twrğındarımız, sebebi, himiya — bügingi memlekettiñ ekonomikasınıñ negizgi tiregi» dep ketken edi. Sol tirekke az da bolsa paydamız tise, sol teriniñ pwşpağın ilep jürgen soñ degen oydıñ jelisi edi. Onda da şama-şarqımızşa kösilip kelemiz. «Jasında bayqarı joqtıñ qartayğanda aytarı joq» demeytin be edi bizdiñ jwrt. Biz de ömirden ärneni bayqap, özimizşe tüyin jasap jürgenimiz bar. Sol tüygenimizdi tüyin sözge türtudi jön körgenbiz. Qoğamnıñ bir azamatı retinde qoğamda, ömirde bolıp jatqan äleumettik, sayasi, t.b mäselelerge ün qosu osı qoğamdağı är azamattıñ el aldındağı parızı bolsa kerek. Sol üşin de azamattıq parızımızdı aqtay jüreyik degen nietpen azamat parızımız da aytarımızdı aytıp kelemiz, aytarımızdı alda da Alla quat berse aytamız! Ayatjannıñ Alaşqa aytar är sözi osı minberde, ağayın. Oqi jüriñizder, oy talqısına sala jüriñizder. Aytar pikirleriñiz bolsa, ärine, quana qarsı alamız.

Al, kelistik…

Marhabat!

3282 ret jalpı oqıldı 15 ret bügin oqıldı
No votes yet.
Please wait...

1 kommentariy

  1. Nesipkul   •  

    Twşımdı oylarıñ jan jadıratadı. Wşqır oy men tereñ oydı sabaqtastıra bilgensiñ. Käduilgi jazuşı-aqındarday söz saptauıñ (jurnalisterden) arnayı oqığandardan artıq, asıp tüsedi. Bwl Allanıñ bergen sıyı. Aytarıñ ädep, şaşarıñ önege. Ayatjan keremet tolğap jazasıñ. Keleşekte ornıqtı ornı bar ,şoqtığı biik twlğa bolatınıña kämil senemin. Osınday azamattarımızdı mına ükimet nege nazarğa almaydı eken?! Erterek nazarğa alsa ğoy.

    No votes yet.
    Please wait...

Dobavit' kommentariy

Vaş e-mail ne budet opublikovan. Obyazatel'nıe polya pomeçenı *