جىل ەسەبى-2016

2016 جىل ءوز ومىرىمدەگى ۋاقىتتىڭ جەتەگىندە جانتالاسقان تەك ەڭبەك ۇستانىمىندا وتكىزىپ كۇنتىزبەلىك پاراقتىڭ 2016 دان 2017 گە اۋىسقانىن سەزبەي قالعان ەڭ ءبىر الاساپىران جىل بولدى. ەل قاتارلى جىلعا قورتىندى جاساپ كورەلىك…

1. جىل باقىتى

بۇل جىلدىڭ باسى وتباسىم ءۇشىن ۇلكەن قۋانىش اكەلدى، 6 جىلدان استام استانادا كوشپەندى بولى جۇرگەن مەن اللانىڭ قالاۋىمەن قاڭتاردا باسپانالى بولدىم. قوس قۇلىنشاعىمنىڭ نەسبەسى شىعار، ءۇي العاندا دوستارىمنان مەنەن بۇرىن 6 جاسار قىزىم سۇيىنشىلەپ كەتتى. ايعا جىتكىزبەي كوشىپ كىرىپ، قونىس تويى دەگەن تويدى تويلاپ ۇلگەردىك. Aigul Serdaly ەكەۋمىز شىن استانالىق اتاندىق.

2. جىل تاۋەكەلى
2015 جىلىدىڭ سوڭى مەكتەپپەن قوشتاسقانمىن، جىگەردى سىندىرعىسى كەلگەن جۇرتقا سىنبايتىنىمدى دالەلدەۋ 2016 كىرگەندەگى باستى ماقساتىم ەدى. ءدال سول قادامدى جاسادىم، 2016 جىلعى ءوزىم ءۇشىن ەڭ ۇلكەن تىرلىك رەسپۋبليكالىق «KAZBILIM» ورتالىعىنىڭ ىرگە تاسىن قالاپ، ءدال قازىر 30 دان استام مۇعالىم جۇمىس جاسايتىن، ىرگەلى قوسىمشا ءبىلىم بەرۋ ورتالىعىنا اينالدىرىپ، ءبىلىم بەرۋمەن قاتار قازاق ءتىلدى وقۋ قۇرالدارىن شىعارا ۇلگەردىك. ورتالىق ءوز ماقساتىنىڭ ورىنداپ، باسقاسىن ايتپاعاندا شەتەلدەن كەلگەن جۇزدەگەن قانداستىڭ قازاق مەكتەبىندە قينالماي وقىپ كەتۋىنە سەپتىگىن تيىگىزدى. العا قويعان ماقسات العاشقى جەمىسىن بەرە باستادى.
3. جىل كەزدەسۋى
جىل باسى ءبىلىم سالاسىنا جاڭا مينيستر جاڭا رەفورمامەن كەلدى. رەفورما اقىلعا سىيمادى، ويىمىزدى باسپا بەتىندە بىلدىردىك، ءبىرلدىرىپ ءجۇرمىز.
وسى جىلدا ءبىلىم ءمينيسترى ەرلان ساعاديەۆپەن ءبىرىنشى رەت ناۋرىزدا تاراز قالاىندا بلوگ قۇرىلتايدا، ەكىنشى رەت ءمينيستردىڭ ءوز كابينەتىندە كەزدەستىك. ويدى ايتتىق، كوكەيدەگى كوپ ساۋالدى قويدىق، ازدى كوپتى جاۋاپ الدىق.
4. جىل قايىرىمدىلىعى
اياق استىنان شىلدە ايىندا مونعوليانىڭ بايان ولگەي ايماعىندا سۋ تاسقىنى بولدى، سەلدەن جۇزدەگەن وتباسى زارداپ شەكتى. ءدال سول ىستە اعا-دوس Amangeldi Kurmetulyمەن بىرگە ەلدەن الەۋمەتتىك جەلى ارقىلى كومەك ۇيىمداستىردىق. ارىسى دانيا، نيرلانديا، گەرمانيادان بەرىسى ەلىمىزدىڭ تۇكپىر تۇكپىرىنەن باۋىرلاردىڭ جيناپ بەرگەن اقشاسىن، بەرىك ءۋالي اعامنىڭ دومبراسىمەن قوسىپ اپارىپ، قانداستارعا بەس ءۇي تۇرعىزىپ قايتتىق. اللا جەر بەتىندەگى بار قازاقتىڭ ءبىر قازاق ەكەنىن كورسەتكەن وتە بەرەكەلى جۇمىس بولدى. تاۋداعى ارقاردىڭ تابانىنا تاس باتسا، ويداعى ارقاردىڭ ءمۇيىزى سىرقىرايدى، — دەگەندەي بارشا قازاقتىڭ تىلەۋى ءبىر ەكەنىن كورسەتكەن بۇل ءىس وزىمە ۇلكەن كۇش بەردى.
5. جىل ساياحاتى
شەت ەلگە بيىل ءدال 4 تارماقتاعى ءىس ءۇشىن رەسەيدىڭ ءبىراز اۋماعىن امانگەلىنىڭ اڭگىمەسىنە ۇيىپ ارالاپ، التاي تاۋىنىڭ رەسەي بولىگىندەگى سۇلۋلىعىنا تامسانىپ، مونعولياداعى تاپ تازا قازاقى ورتانى، ولگەي دالاسىن العاش رەت كەزىپ تىڭ شابىت الىپ قايتتىم.
ەلى ىشىندە، الماتى، پاۆلادار، قوستاناي، قىزىلوردا، ارقالىق، كوكشەتاۋ جەتى قالانىڭ، 6-7 وبلىستىڭ ءدامى بۇيىردى، ەلدىڭ سۇلۋ جەرلەرىن ساياحاتپەن ەمەس، جۇمىس قامىمەن ارالاعان جىل بولدى.
6. جىل ادىسكەرلىگى
جىل باسىندا ءوز تاجىريبەمدى بۇكىل ارىپتەستەرگە ۇيرەتۋ ماقساتىندا «دارىندى ۇرپاق – ەل ەرتەڭى» كۋرستار سەرياسىن داريعا شۇيگىنباەۆامەن الماتىدا 62 مۇعالىم، استانادا 132 مۇعالىم، اقمول اۋدانىندا 40 مۇعالىم، مونعوليادا 25 مۇعالىم جالپى 270 تەن اسا مۇعالىمگە بىلگەنىمدى ۇيرەتىپ، تاجىريبەممەن ءبولىسىپپىن. بۇل ۇلكەن ءىس بولدى، كۋرسىمنان جاقسى موتيۆاەتسيا الىپ شىققان ارىپتەستەرىم العىسىن ءبىلدىرىپ تۇرعاندا جەلپىنىپ قالاسىڭ.
بۇدان تىس وقۋشىلارعا دا ءبىراز ماستەر كلاسس وتكىزدىك، ول دا جەمىسىن بەرە جاتار…
7. جىل ەڭبەگى
جىل ەڭبەگى 3 كىتاپ. «مىنەز» اتتى ولەڭدەر، «ۇلت بولام دەسەڭ…» اتتى ماقالالار جانە «حيميا پانىنەن 8 سىنىپ وقۋشىلارىنا ارنالعان ەسەپتەر مەن جاتتىعۋلار جيناعى»، بيىلعى وزىمە بەرگەن وتىزداعى ەسەبىم بولدى. بۇل شىعارماشىلىقتا ءبىر وسۋگە، جيناقتالۋعا سەبەپ بولدى، جاڭا تىڭ ويلار بەردى.
سونىمەن بىرگە ءبىراز كىتاپ وقۋ ماساتىم تولىق ورىندالمادى، بيىلعى وقىعانىم ورالحان بوكەيدىڭ 3 تومى مەن، تالاسبەك اسەمقۇلوۆتىڭ 11 تومى… ءبىر جىل ءۇشىن از، ۋاقتىت وسى فب-عا كەتىپ قالدى)))
جەتەر وسى جەكە جەتى جارعىممەن جىلدى جابايىن، جاڭا 17 جىلعا جوسپار جەتەرلىك…
كۇنتىزبەدەگى 16 جىل العا قويعان، اياق استى پايدا بولعان ماقساتتىڭ باسىم بولىگى ورىندالعانداي بولدى، وزىمىزشە قۋاندىق، وزىمىزشە جۇباندىق. ەل ءۇشىن بيىل كۇنگەيى مەن تەرىسكەيى قاتار كەلگەن اۋىر جىل بولدى، جىلدىڭ باستى مەرەكەسى تاۋەلسىزدىكتىڭ 25 جىلدىعى بولسا، اۋىرى جەر داۋى مەن تەراكتى بولدى… بۇلار جەكە ءبىر اڭگىمە… بۇل پوست ءوز باسىمنان بولعان سوڭ ارالاسىترماي اق قويايىن)
ءيا، جىل وسىلاي تاريحقا ەنىپ بارادى، بارشاڭىزدى كۇنتىزبەلىك جاڭا جىلدىڭ كەلۋىمەن شىن جۇرەكتەن قۇتتىقتايمىن. اللا بارشاڭىزدى جاڭا جىلدا جاڭا تابىس، قۋانىشتار بەرسىن!
بارشاڭىزعا اللا كۇش قۋات بەرسىن!

5539 رەت جالپى وقىلدى 3 رەت بۇگىن وقىلدى
No votes yet.
Please wait...

دوباۆيت كوممەنتاري

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *