ۇبت ناتيجەسىنە مەكتەپ، وقىتقان مۇعالىم جاۋاپ بەرۋى كەرەك…

بۇگىن 2017 جىلعى تۇلەكتەر مەكتەپ ءبىتىرۋ كەشىن تويلايدى…
بەيرەسمي اقپاراتقا نەگىزدەلگەندە بيىلعى «التىن بەلگىگە» ۇمىتكەر 6500 دەن اسا بالانىڭ 98% — دان استامى، ياعني، 6300 دەن استامى قورعاپتى…
جىلدا «التىن بەلگى» ۇمىتكەرلەرىنىڭ 45-50% -ى عانا ءوز ءبىلىمىن دالەلدەي الاتىن ەدى…
بۇل مەكتەپتە وتكەن ەمتيحاننىڭ شەكسىز «ادىلدىگىنىڭ» دالەلى. جالپى ءبىزدىڭ مەنتاليتەتتە مەكتەپ ءبىتىرۋ ەمتيحانى مەكتەپتەرگە تاۋەلسىز بولعانى ابزال. ايتپەسە، ءبىلىم ساپاسى تۇسەتىنى اقيقات.


ونىڭ ۇستىنە بيىل بارلىق قورتىندى ەمتيحان سۇراقتارى مەن جاۋاپتارى تولىق ينتەرنەتكە تاراپ كەتتى… بۇلدا ءبىر جاۋاپتى مەكەمەنىڭ جوقتىعىنىڭ اسەرى… مەكتەپ سانى كوپ، مۇعالىم كوپ، ونى كىمنىڭ سالىپ جىبەرگەنىن انىقتايتىن ورگان جوق…
بۇنىڭ كەسىرىنەن مەكتەپتە 3 كە وقىپ جۇرگەن وقۋشىنىڭ ءوزى ەمتيحاندى 5 كە جازىپ شىقتى… ال، ۇبت دا سولاردىڭ ءبارى قورتىندى ەمتيحاندا العان باعاسىن مۇلدە اقتاي المايتىنى شىندىق… (بۇنىڭ ارتى ۇلكەن شۋ بولادى، اقتاي الماۋىنا كىنالى ەمتيحان كەزىندە شەكسىز كومەكتەسكەن مەكتەبى مەن ينتەرنەتى ەمەس، كىنالى ۇبت بولادى)
ۇبت — نى كەرەمەت دەپ وتىرعانىم ەمەس، ونى تەك ادامي فاكتورمەن جەمقورلىق، سىبايلاستىق جايلاعان ءبىزدىڭ ەلدە سالدە بولسا سول ماسقارالىقتارعا توسقاۋىل بولا الاتىنى ءۇشىن قولدايمىن.
ەندى، جوعارىداعى ىستەرگە قاراپ وتىرساڭ ەمتيحاننىڭ دا، «التىن بەلگى» ستاتۋسىنىڭ دا دىم قادىرى قالمادى… بۇل ءۇردىس مەكتەپتەگى ءبىلىمنىڭ قادىرىن قاشىرادى…
كەلەسى جىلدان باستاپ ەلدەگى التىن بەلگى 10 مىڭنان اسىپ شىعىلسا، قىزىل ديپلوم بىتىرۋشىلەردىڭ 50% -ىن قۇراپ جاتسا دىم تاڭعالمايمىن… بۇل مەكتەپتەردەگى ساۋدانى قىزدىرادى… «التىن بەلگىنىڭ» جوعارى وقۋ ورنىنا تۇسۋگە اسەرى بولماسا كىم جۇگىرەدى، — دەپ ويلاۋدان شىققان دۇنيە ەكەنى اقيقات، بىراق ءبىزدىڭ بالالارعا كەرەك بولماسا دا «التىن بەلگى» اتا-انالارعا كەرەك، مەنىڭ بالام التىنمەن ءبىتىردى دەگەن اتاق ءۇشىن… ءبىزدىڭ قوعام اتاقتىڭ قاندايى بولسا دا، لايىقتى، لايىقسىز دەگەن تۇسىنىككە قاراماي جۇگىرە بەرەتىن دەرتكە شالدىققان…
تاك، ماسەلەنىڭ ۇلكەنى الدا، ءبىزدىڭ مينيسترلىك بيىلدان باستاپ ۇبت ناتيجەسىنە مەكتەپ جاۋاپ بەرمەيدى، — دەدى… قوعام جابىلا قۋاندى… ءدال وسى شەشىمگە مەن قۋانا المادىم…
— پلاتون – مەنىڭ دوسىم، الايدا اقيقات ودان دا قىمبات، — دەيتىن بە ەدى…
— ءيا، مەن قاشاندا ارىپتەستەرىمدى قولدايمىن، قورعايمىن، بىراق، اقيقاتىنا كەلسەك… ۇبت — نى ناتيجەسىنە نە ءۇشىن مەكتەپ جاۋاپ بەرمەۋى كەرەك، 11 جىل وقىتقان بالانىڭ ءبىلىم ناتيجەسىنە مەكتەپ تە، ساباق بەرگەن مۇعالىم دە، اسىراۋشى اتا-انا دا جاۋاپ بەرۋى كەرەك… ايتپەسە، ورتالىقتا بالا تاياق جەيدى… (ونى ءبارىڭىز سەزەسىز دەپ ويلايمىن).
نەگىزى ءادىل رەيتينگ كەرەك، مەكتەپتەر اراسىندا ءادىل، شىنايى رەيتينگ بولعاندا عانا، ءبىلىمدى، ءوز پانىنە جەتتىك، ناعىز مامان ۇستازداردىڭ بەدەلى كوتەرىلىپ، مۇعالىم مارتەبەسى ارتادى… ايتپەسە… سارعايعاننىڭ ءبارى ءسابىز… دەگەندەي بولسا، كوسەگەمىز قازىر كوگەرە قويماس….
قازىرگى جۇيەدە، شىن ادىلدىك بولا ما؟ الدە… مەكتەپتى ءبارى ۇزدىك ءبىتىرىپ ۇبت دا قۇلاپ جاتا ما؟ وسى جاعدايى قورقىتادى…
P.S. مەنى تالاپ جەۋ ماۋسىمى اشىق، — دەپ جاريالايمىن… نە دەسەڭىزدەر دە، ۇبت — ناتيجەسىنە مەكتەپ، وقىتقان مۇعالىم جاۋاپ بەرۋى كەرەك… ء(وز باسىم جاۋاپكەرشىلىكتەن ەش قاشپايمىن!!!)

5057 رەت جالپى وقىلدى 6 رەت بۇگىن وقىلدى
No votes yet.
Please wait...

1 كوممەنتاري

  1. ابيتۋريەنت   •  

    نەگە مۇعالىم جاۋاپ بەرۋى كەرەك؟ قازىرگى بالالار اكە شەشەسىنە سەنەدى.
    اكە شەشەسى ۇلتتىق قاۋىپسىزدىك قىزمەتكەرلەرى مەن اۋداندىق ءبىلىم ءبولىمىنىڭ قىزمەتكەرلەرىنە سەنەدى. «ساتىلمايتىن» كوميسسيا جوق، بولۋ مۇمكىن دە ەمەس.
    مىنە، انا ەكى «ۆەدوموستتىڭ» قىزمەتكەرلەرى ىشتەگى بالانىڭ سۇراعىن سىرتقا شىعارىپ، سىرتتان جاۋابىن الىپ كەپ بەرەدى. بارلىق جەردە وسىنداي.

    No votes yet.
    Please wait...

دوباۆيت كوممەنتاري

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *