ەڭ ماڭىزدى سالانىڭ قادىرىن وسىنشا كەتىرۋ كىمگە كەرەك؟!؟

 

بىردە وسى بيىلدان باستالعان ۇلتتىق بىرىڭعاي تەستكە جانە «التىن بەلگىگە» بايلانىستى وزگەرىستەردى ەستىگەندە ءبىلىم مينيسترلىگىنىڭ سول كەزدەگى ورتا ءبىلىم بەرۋ دەپارتامەنتىنىڭ ديرەكتورى جاڭىل الپامىسقىزىنا ءدال وسىنداي بىلىقتىڭ بولارىن ەسكەرتىپ ەم، اتتەڭ بىزدىكىلەر «بىلمە، بىلگەننىڭ ءتىلىن الما»، — دەگەن قارعىسقا ۇشىراعان عوي.
قالاي اقتاعان كۇننىڭ وزىندە «التىن بەلگى» دەگەن دارداي اتاقتىڭ مۇمكىندىگىمەن 58 بالمەن تۇسكەن ماماندىققا ۇزدىك كۋالىگى بار نەمەسە سوعان جاقىن وقۋشىنىڭ 125 بالمەن تۇسە الماۋى ەشقانداي دا اقتايتىن دۇنيە ەمەس.

بيىلعى گرانت ءبولىنىسى مينيسترلىك جۇمىسىنىڭ ساپاسىن كورسەتتى، ول شالالىق، رەفورما مەن زاڭنامانىڭ ءبىر بىرىنە سايكەسپەۋى! ناقتىراق ايتقاندا بەيكاسىبيلىك!!!
بيىل ەلدەگى التىنعا ۇمىتكەرلەردىڭ 95 پايىزى التىن الىپ، جالپى مەكتەپ بىتىرگەندەردىڭ 10 مىڭعا جۋىعى «التىن بەلگى» يەگەرى اتانعانىن ەسكەرسەك، مەملەكەت تاراپىنان بولىنگەن 36 مىڭ گرانتتىڭ تورتتەن ءبىرى سول ساپالى، ساپاسىز التىنداردىڭ قانجىعاسىندا… بۇل – كەزىندە ءبىر رەت ءبىر پاننەن ۇشكە ءتۇسىپ قالعان نەمەسە سىنىبى جوعارىلاعان سايىن وقۋعا تالپىنىسى ارتقان، بەلگىلى سەبەپتەرمەن التىنعا ىلىكپەي قالعان، 11-سىنىپقا كەلگەندە ۇيقى كورمەي ىزدەنگەن، ت.ب. قاراپايىم قابىلەتتى بالالاردىڭ ارمانىنان ايىرۋ نەمەسە ماقساتىنان بۇرۋ!
جىل باسىندا «ءار تاڭداۋ پانىنە سايكەس ماماندىقتار تىزبەسىن ناقتى جاريالاڭدار، ءبىتىرۋشى تاعدىرىمەن ويناماڭدار» دەپ شىرىلداپ ەك، سوڭعى ساتكە كەلگەندە كەزەكتى مارتە جانە مينيسترلىك بەيكاسىبي ەكەنىن كورسەتتى.
وسىدان كەيىن ءبىزدىڭ ءمينيستردى نەمەسە مينيسترلىكتى اقتاۋ ۇرپاقتىڭ تاعدىرىمەن ويناۋ!!!
مەنىڭ الاڭدايتىنىم، ەرتەڭ گرانت يەگەرلەرى ءتىزىمى قايتا قارالادى، — دەدى، سوندا بۇگىن گرانت يەگەرى اتاندىم دەپ الاقايلاپ جۇرگەن بالا ەرتەڭ گرانتىنان قايتا ايىرىلسا نەمەسە ۋنيۆەرسيتەت ماماندىعى وزگەرسە شۋ باسىلاما، كەرىسىنشە ءورشيدى…. بۇل تىعىرىقتان تەك ۇستەمە گرانت ءبولىپ قانا قۇتىلادى، بۇل مەملەكەتتىك بيۋدجەتكە شىعىن، قوسىمشا ستۋدەنت قابىلداۋعا ۋنيۆەرسيتەت دايىن با؟! سۇراق كوپ…
مينيستر قاسىنا ەكونوميستەردى ەمەس، سالانىڭ جىلىگىن شاعىپ، مايىن ىشكەندەردى جيناعانى دۇرىس بولار… اتام قازاق «ءوزىڭ كوتەرە الماس شوقپاردى بەلگە بايلاماس كەرەك» دەگەن ەدى، مينيستر دە كوتەرە الماس شوقپاردى بەلىنەن تاستاپ بيزنەسىنە قاراي كەتكەنى ابزال شىعار. ۇرپاق تاعدىرى اركىم كەلىپ ويىن وينايتىن، كاسىبىن اشاتىن بيزنەس سالاسى ەمەس…

اياتجان احمەتجان

2978 رەت جالپى وقىلدى 6 رەت بۇگىن وقىلدى
No votes yet.
Please wait...

دوباۆيت كوممەنتاري

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *