2017 نىڭ جىل جابارى

ەگەردە ەستى كىسىلەردىڭ قاتارىندا بولعىڭ كەلسە، كۇنىندە ءبىر مارتەبە، بولماسا جۇماسىندا ءبىر، ەڭ بولماسا ايىندا ءبىر، وزىڭنەن ءوزىڭ ەسەپ ال، – دەمەي مە دانا اباي. كۇنتىزبەلىك جاڭا جىل اۋناپ جاتقاندا، وتكەنگە ەسەپ بەرىپ، الداعى جىلعا جوسپار قۇراتىنىمىز بار، ءبىراز جىلدان بەرى… (وتكەن جىلداردىڭ ەسەبى مىنا سىلتەمەدەن كورە الاسىزدار http://aizere.kz/?p=685, ارينە قىزىق بولىپ جاتسا).
سول داستۇرمەن بيىلعى جىلدى دا ءبىراز سارالاپ كورەلىك، جالپى جالداعى اتقارعان تىرلىكتەر مەن اتقارار جوسپاردىڭ ءبارى تىكەلەي جۇمىسقا بايلانىستى بولۋى ەسەپتىڭ كوپ ءبولىمى رەسپۋبليكالىق «KAZBILIM» ورتالىعى جۇمىسىمەن تىكەلەي قاتىستى بولماق….
1. جىل باقىتى
ون جەتىنشى جىلدىڭ ەڭ ۇلكەن باقىتى وتباسىمدا ايارىس اتتى ۇل ومىرگە كەلدى. ەكى اپكەسىنىڭ ارتىنان ءومىر ەسىگىن اشقان ۇلدىڭقىلىعى بۇگىندە وتباسىداعى ەڭ ءتاتتى قىزىق. اللا وتباسىعا الداعى جىلداردا دا جاقسىلىعىن ءناسىپ ەتە بەرسىن!
2. جىلكەزدەسۋى
جىلدىڭ ەڭ باستى كەزدەسۋ قۋانىشى – اقپاننىڭ باسىندا ۇلتتىق كىتاپحانادا ءۇش كىتاپتىڭ تۇساۋىن كەسىپ، وردالى وتىزعا ەسەپ بەردىك. تىزگىندى دوسىم ەربول الشىنبايعا ۇستاتقان بۇل كەش وقىرمان، تىلەكشى اعايىنمەن ەمەن جارقىن ءبىر كەزدەسۋ بولدى.

3. جىلساياحاتى
بيىل ناۋرىزدا ءوزىم مۇلدە اياعىم تيمەگەن قازاقستاننىڭ باتىس بولىگىنە تابان ءتيدى. بلوگ قۇرىلتاي-2017 اياسىندا اتىراۋ وبلىسىنا ساياحات كەرەمەت بولدى. ەكى قۇرلىقتىڭ قيىلىسىنداعى قالانىڭ تاماشاسىمەن، وبلىستاعى ءبىراز تاريحي ورىندارمەن تانىسۋدىڭ ءساتى ءتۇستى. ءبىراز جاڭا دوستار تاپتىق… الداعى جىلى قازاقستاننىڭ ءوزىم بارماعان ەكى وبلىس – باتىس قازاقستان مەن ماڭعىستاۋ وبلىسىنا ساپارلاسام دەگەن نيەت بار.
بۇدان تىس بيىل اراعا ءۇش جىل سالىپ تۋعان جەرىم ءحانتاڭىردىڭ باۋىرىنا بارىپ قايتتىم. تۋعان جەر قانشا ىستىق بولسادا بۇل ساپار تەك قۇلازۋ سىيلادى، جۇرەك ەزىلدى. ارينە بۇگىن وزگەنىڭ جۇرتى بولعان ءوز مەكەنىمىزدىڭ ەرتەڭى بۇلىڭعىر.
4. جىل ادىسكەرلىگى
بيىلعى جىل ءمادينا ماحامبەتقىزى زامانداستىڭ وتىنىشىمەن جەتىساي ۇستازدارىمەن وقۋشىلارىنا ءۇش كۇن، گۋلنار كۋلجانوۆا ارىپتەستىڭ ۇسىنىسىمەن قاپشاعاي قالاسىنىڭ وقۋشىلارىمەن مۇعالىمدەرىنە تولىق ءبىر كۇنى سەمينار-ترەنينگ وتكىزدىم. ەكەۋىدە ارىپتەستەرىمە قۋانىش سىيلاعان ساپار بولدى. ال استانادا رەسپۋبليكالىق «KAZBILIM» ورتالىعىندا 14 رەت، استانا قالاسى №53 مەكتەپ-ليتسەيىندە ءبىر رەت وقۋشىلارعا موتيۆاتسيالىق سەمينار-ترەنينگ، حيميا ءپانى مۇعالىمدەرىنە №73 مەكتەپ-ليتسەيىندە ەكى كۇندىك ماستەر-كلاسس وتكىزدىم.
الداعى جىلى بۇل جۇمىستى ۇلكەن دەڭگەيگە كوتەرۋ ماقساتى تۇر…
5. جىل ەڭبەگى
بيىل رەسپۋبليكالىق قازبىلىم ورتالىعىنىڭ رەداكتسياسىنان ءبىر جىلدا 14 وقۋ ادىستەمەلىك كىتاپ شىعاردىق، وقۋشىلار مەن ۇستازداردىڭ ىقىلاسىنا بولەندى. ال ءوزىم ءۇشىن ارىپتەسىم Nurbay Nursapauly جانە ساۋلە جاپپاروۆا مەن بىرلەسە دايىنداعان «حيميا وليمپيادا ەسەپتەرى مەن شەشۋ جولدارى» كىتابىم ۇلكەن ەڭبەك بولدى. بىراق ءدال حيميا باعىتىندا جوسپارلانعان ەكى كىتاپتىڭ نۇكتەسى مەن ءۇتىرى قويىلماي 2018-ءدىڭ ەنشىسىندە قالدى. بۇل جىلى دا رەسپۋبليكالىق «KAZBILIM» ورتالىعى كىتاپحاناسىن بايىتا تۇسسەك دەگەن ماقسات بار.
بۇنىڭ سىرتىندا ءبىلىم سالاسىمەن ۇرپاق تاربيەسىنە ارنالعان باسپاسوزدە 6 ماقالا جازىپ، 7 سۇقبات بەرىپپىن.
6. جىل قايىرىلىمدىعى
جالپى ءبىلىم بەرۋ سالاسىندا تەك بيزنەس ماقساتىندا جۇمىس ىستەۋ ۇستازدىق ۇستانىمعا قارسى. سول ءۇشىن دە ءار جىلى ءبىراز بالانى تەگىن وقىتۋ نەگىزگى جوسپارىمدا بار. اياقتالعان وقۋ جىلىندا 4 بالانى تەگىن ءبىر جىل وقىتساق، وسى وقۋ جىلىنا 20 وقۋشىعا گرانت بەرىپ قابىلداپ وتىرمىز. ال بۇل بولاشاقتا ۇلكەن جوباعا اينالادى دەپ ويلايمىن.
7. جىل جەتىستىگى
بيىلعى جىلدىڭ مەن ءۇشىن ەڭ ۇلكەن العىسى «قازاق ءۇنى» رەسپۋبليكالىق قوعامدىق-ساياسي گازەتى ۇيىمداستىرعان «جىل ادامى» بايقاۋىندا «جىل ۇستازى-2017-ءنىڭ» قانجىعاما بايلانۋىن ۇلكەن قۋانىشپەن قابىلداپ، ۇلكەن جاۋاپكەرشىلىك رەتىندە سەزىندىم. ۇلت ۇستازى احاڭنان جالعاسقان اماناتتى ۇستاۋدى ازاماتتىق پارىزىمىز سانادىق.
ال، رەسپۋبليكالىق «KAZBILIM» ورتالىعى ءۇشىن ەڭ ۇكەن جەتىستىك استانا قالاسى سارىارقا داڭعىلىنان №1 فيليالىن اشىپ، جۇمىسىن باستادىق. وندا بۇگىندە 300-دەن استام بالا ءبىلىمىن جەتىلدىرىپ، 40-قا جۋىق مۇعالىم ەڭبەك ەتەتىن، شىعارماشىل ۇجىم قالىپتاستى. ۇلتتىق بىرىڭعاي تەستەن 146 وقۋشىنىڭ ورتاشا ۇپايى 111 بولىپ، تەك مەديتسينا سالاسىنىڭ وزىندە 52 وقۋشى گرانت جەڭىپ الدى، بۇل مەنىڭ ەمەس ۇجىمنىڭ قاجىرلى ەڭبەگى.
بۇنىڭ سىرتىندا رەسپۋبليكالىق «KAZBILIM» ورتالىعى «استانا دارىنى» عىلىمي-پراكتيكالىق ورتالىعىمەن بىرلەسە وتىرىپ تۇڭعىش رەت قالالىق حيميا وليمپياداسىن وتكىزىپ، 8-10 سىنىپ وقۋشىلارى اراسىنان 180 وقۋشى قاتىستى. ەكى كۇنگە جالعاسقان وليمپيادانىڭ ناتيجەسىندە استانا قالاسى №66 مەكتەپ-ليتسەيى مەن استانا قالاسى №60 مەكتەپ-ليتسەيى ەكى دەڭگەيدىڭ كۋبوگىن ءوزارا ءبولىستى.
8. جىل جاۋاپكەرشىلىگى
بۇگىندە الەۋمەتتىك جەلىدەگى بەلسەندىلىكتىڭ اسەرى كەيدە جاۋاپكەرشىلىك جۇكتەگەندەي سەزىلەدى. ءوزىم بىرەۋگە الەۋمەتتىك جەلىدە دوستاسسام نەمەسە جازىلسام، ودان تۇشىمدى دۇنيە وقىسام دەگەن ماقساتپەن جازىلامىن. الونداي دۇنيە كورە الماي جاتسام ول پاراقشامەن قوشتاسامىن. ءدال وسى ماقساتتا وزىمدە پاراقشاما شاما شارقىمشا قىزىقتى، پايدالى، وتە-موتە ءوز سالامنان ساۋاتتى دۇنيە بەرۋگە تىرىسامىن. وسى جاۋاپكەرشىلىكتىڭ بيىلعى جىلى كولەمى كەڭەيىپ كەتتى، سەبەبى، facebook جەلىسىندە (https://www.facebook.com/aiatjan) 9 مىڭعا جۋىق، ينستاگرامدا ( @aiatjan ) 5 مىڭعا جۋىق وقىرمان، ۆكونتاكتە جەلىسىندە (https://vk.com/aiatjan) 4 مىڭ وقىرمان، youtube ارناسىندا (https://www.youtube.com/kazbilimtv ) 1500 كورەرمەن… (باسقا جەلىلەردە بەلسەندى ەمەسپىن،) جالپى ءۇش جەلىدە ۇزىن سانى بىرازعا باردى. بۇل مەنى وقيتىن قاۋىمعا ۇلكەن سىيلاستىق، قۇرمەت نەگىزىندە بولسا دا، پايدالى دۇنيەمەن ءبولىسۋ پارىز بولماق.
9. جىل وكىنىشى
ءوزىم ءۇشىن كىتاپقا دەن قويعالى بيىلعى جىل سوڭعى 10 جىلدا ەڭ از كىتاپ وقىعان جىلىم شىعار، ۇزىن سانى 5 توم عانا دۇنيە وقىپپىن، بۇل وتە ۇلكەن وكىنىشىم بولدى. ەندى 2018-ءدىڭ ەڭ ۇلكەن جوسپارى ەكى جىلدىڭ جۇمىسىن ءبىر جىلدا اتقارۋ بولىپ تۇر. ساتتىلىك بولسا…

ون جەتىنىڭ جەلىسىن وسى توعىزبەن توقتاتا قويايىن… سىزدەرگە كۇنتىزبەلىك جىل قۇتتى بولسىن!
جاڭا جىل جەمىستى، ءورىستى جىل بولسىن!

P.S. سۋرەت مىقتىبەك ورازتايۇلى زامانداستان)

516 رەت جالپى وقىلدى 41 رەت بۇگىن وقىلدى
No votes yet.
Please wait...

دوباۆيت كوممەنتاري

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *