2017 nıñ jıl jabarı

Egerde esti kisilerdiñ qatarında bolğıñ kelse, küninde bir märtebe, bolmasa jwmasında bir, eñ bolmasa ayında bir, öziñnen öziñ esep al, – demey me dana Abay. Küntizbelik jaña jıl aunap jatqanda, ötkenge esep berip, aldağı jılğa jospar qwratınımız bar, biraz jıldan beri… (ötken jıldardıñ esebi mına siltemeden köre alasızdar http://aizere.kz/?p=685, ärine qızıq bolıp jatsa).
Sol dästürmen biılğı jıldı da biraz saralap körelik, jalpı jaldağı atqarğan tirlikter men atqarar jospardıñ bäri tikeley jwmısqa baylanıstı boluı eseptiñ köp bölimi Respublikalıq «KAZBILIM» ortalığı jwmısımen tikeley qatıstı bolmaq….
1. Jıl baqıtı
On jetinşi jıldıñ eñ ülken baqıtı otbasımda Ayarıs attı wl ömirge keldi. Eki äpkesiniñ artınan ömir esigin aşqan wldıñqılığı büginde otbasıdağı eñ tätti qızıq. Alla otbasığa aldağı jıldarda da jaqsılığın näsip ete bersin!
2. Jılkezdesui
Jıldıñ eñ bastı kezdesu quanışı – aqpannıñ basında Wlttıq kitaphanada üş kitaptıñ twsauın kesip, ordalı otızğa esep berdik. Tizgindi dosım Erbol Alşınbayğa wstatqan bwl keş oqırman, tilekşi ağayınmen emen jarqın bir kezdesu boldı.

3. Jılsayahatı
Biıl naurızda özim mülde ayağım timegen Qazaqstannıñ batıs böligine taban tidi. Blog qwrıltay-2017 ayasında Atırau oblısına sayahat keremet boldı. Eki qwrlıqtıñ qiılısındağı qalanıñ tamaşasımen, oblıstağı biraz tarihi orındarmen tanısudıñ säti tüsti. Biraz jaña dostar taptıq… Aldağı jılı Qazaqstannıñ özim barmağan eki oblıs – Batıs Qazaqstan men Mañğıstau oblısına saparlasam degen niet bar.
Bwdan tıs biıl arağa üş jıl salıp tuğan jerim Hantäñirdiñ bauırına barıp qayttım. Tuğan jer qanşa ıstıq bolsada bwl sapar tek qwlazu sıyladı, jürek ezildi. Ärine bügin özgeniñ jwrtı bolğan öz mekenimizdiñ erteñi bwlıñğır.
4. Jıl ädiskerligi
Biılğı jıl Mädina Mahambetqızı zamandastıñ ötinişimen Jetisay wstazdarımen oquşılarına üş kün, Gulnar Kuljanova äriptestiñ wsınısımen Qapşağay qalasınıñ oquşılarımen mwğalimderine tolıq bir küni seminar-trening ötkizdim. Ekeuide äriptesterime quanış sıylağan sapar boldı. Al Astanada Respublikalıq «KAZBILIM» ortalığında 14 ret, Astana qalası №53 mektep-liceyinde bir ret oquşılarğa motivaciyalıq seminar-trening, himiya päni mwğalimderine №73 mektep-liceyinde eki kündik master-klass ötkizdim.
Aldağı jılı bwl jwmıstı ülken deñgeyge köteru maqsatı twr…
5. Jıl eñbegi
Biıl Respublikalıq Qazbilim Ortalığınıñ redakciyasınan bir jılda 14 oqu ädistemelik kitap şığardıq, oquşılar men wstazdardıñ ıqılasına bölendi. Al özim üşin äriptesim Nurbay Nursapauly jäne Saule Japparova men birlese dayındağan «Himiya olimpiada esepteri men şeşu joldarı» kitabım ülken eñbek boldı. Biraq däl himiya bağıtında josparlanğan eki kitaptiñ nüktesi men ütiri qoyılmay 2018-diñ enşisinde qaldı. Bwl jılı da Respublikalıq «KAZBILIM» ortalığı kitaphanasın bayıta tüssek degen maqsat bar.
Bwnıñ sırtında bilim salasımen wrpaq tärbiesine arnalğan baspasözde 6 maqala jazıp, 7 swqbat berippin.
6. Jıl qayırılımdığı
Jalpı bilim beru salasında tek biznes maqsatında jwmıs isteu wstazdıq wstanımğa qarsı. Sol üşin de är jılı biraz balanı tegin oqıtu negizgi josparımda bar. Ayaqtalğan oqu jılında 4 balanı tegin bir jıl oqıtsaq, osı oqu jılına 20 oquşığa grant berip qabıldap otırmız. Al bwl bolaşaqta ülken jobağa aynaladı dep oylaymın.
7. Jıl jetistigi
Biılğı jıldıñ men üşin eñ ülken alğısı «Qazaq üni» respublikalıq qoğamdıq-sayasi gazeti wyımdastırğan «Jıl adamı» bayqauında «Jıl wstazı-2017-niñ» qanjığama baylanuın ülken quanışpen qabıldap, ülken jauapkerşilik retinde sezindim. Wlt wstazı Ahañnan jalğasqan amanattı wstaudı azamattıq parızımız sanadıq.
Al, Respublikalıq «KAZBILIM» ortalığı üşin eñ üken jetistik Astana qalası Sarıarqa dañğılınan №1 filialın aşıp, jwmısın bastadıq. Onda büginde 300-den astam bala bilimin jetildirip, 40-qa juıq mwğalim eñbek etetin, şığarmaşıl wjım qalıptastı. Wlttıq biriñğay testen 146 oquşınıñ ortaşa wpayı 111 bolıp, tek medicina salasınıñ özinde 52 oquşı grant jeñip aldı, bwl meniñ emes wjımnıñ qajırlı eñbegi.
Bwnıñ sırtında Respublikalıq «KAZBILIM» ortalığı «Astana darını» ğılımi-praktikalıq ortalığımen birlese otırıp twñğış ret Qalalıq himiya olimpiadasın ötkizip, 8-10 sınıp oquşıları arasınan 180 oquşı qatıstı. Eki künge jalğasqan olimpiadanıñ nätijesinde Astana qalası №66 mektep-liceyi men Astana qalası №60 mektep-liceyi eki deñgeydiñ kubogın özara bölisti.
8. Jıl jauapkerşiligi
Büginde äleumettik jelidegi belsendiliktiñ äseri keyde jauapkerşilik jüktegendey seziledi. Özim bireuge äleumettik jelide dostassam nemese jazılsam, odan twşımdı dünie oqısam degen maqsatpen jazılamın. Alonday dünie köre almay jatsam ol paraqşamen qoştasamın. Däl osı maqsatta özimde paraqşama şama şarqımşa qızıqtı, paydalı, öte-möte öz salamnan sauattı dünie beruge tırısamın. Osı jauapkerşiliktiñ biılğı jılı kölemi keñeyip ketti, sebebi, facebook jelisinde (https://www.facebook.com/aiatjan) 9 mıñğa juıq, instagramda ( @aiatjan ) 5 mıñğa juıq oqırman, vkontakte jelisinde (https://vk.com/aiatjan) 4 mıñ oqırman, youtube arnasında (https://www.youtube.com/kazbilimtv ) 1500 körermen… (basqa jelilerde belsendi emespin,) jalpı üş jelide wzın sanı birazğa bardı. Bwl meni oqitın qauımğa ülken sıylastıq, qwrmet negizinde bolsa da, paydalı düniemen bölisu parız bolmaq.
9. Jıl ökinişi
Özim üşin kitapqa den qoyğalı biılğı jıl soñğı 10 jılda eñ az kitap oqığan jılım şığar, wzın sanı 5 tom ğana dünie oqıppın, bwl öte ülken ökinişim boldı. Endi 2018-diñ eñ ülken josparı eki jıldıñ jwmısın bir jılda atqaru bolıp twr. Sättilik bolsa…

On jetiniñ jelisin osı toğızben toqtata qoyayın… Sizderge küntizbelik jıl qwttı bolsın!
Jaña jıl jemisti, öristi jıl bolsın!

P.S. Suret Mıqtıbek Oraztaywlı zamandastan)

8922 ret jalpı oqıldı 14 ret bügin oqıldı
No votes yet.
Please wait...

Dobavit' kommentariy

Vaş e-mail ne budet opublikovan. Obyazatel'nıe polya pomeçenı *