Pändik olimpiadağa dayındau metodikası

2017 jılı 24-25 aqpan aralığında Astana qalası «Darın» ğılımi praktikalıq ortalığı jäne Respublikalıq «KAZBILIM» ortalığınıñ birlesuimen himiya päni mwğalimderine arnalğan “Darındı balalardı anıqtau, olardı himiya päni olimpiadasına dayındau joldarı jäne audandıq, obılıstıq olimpiada esepterin şığaru ädisteri” attı eki kündik keşendi kurs ötken edi, bwl osı bes bölimnen twratın kurstıñ birinşi bölimi «Pändik olimpiadağa dayındau metodikası». Aldağı uaqıtta qalğan bölimderi ret, retimen jariyalanıp otıratın boladı. 

Trenerler:

Ahmetjan Ayatjan –  Qazaqstan Respublikası Bilim jäne ğılım ministriniñ «Qwrmet» gramotasınıñ iegeri,  joğarı sanattı himiya päni mwğalimi, himiya ğılımdarınıñ magistri, Respublikalıq «KAZBILIM» ortalığı direktorı, Qazbilim (kazbilim.kz) portalınıñ bas redaktorı, aqın. 

Nwrsapa Nwrbay – Astana qalası №66 mektep liceyiniñ himiya päni mwğalimi, 2015 jılğı Baku qalasında ötken №47 Halıqaralıq himiya olimpiadasınıñ (IChO) baqılauşısı (observer), himiya ğılımdarınıñ magistri.

 

Respublikalıq «KAZBILIM» ortalığı turalı tolıq aqparat: kazbilim.com saytında

Pänderdi ağılşın tilinde oqıtu bizge keminde 10 jılğa deyin mümkin emes.

Ayatjan  AHMETJAN, respublikalıq «Qazbilim»  ortalığınıñ  direktorı:

Jaqında reformadan köz aşpaytın sala basşısınıñ eksklyuzivti swhbatı jariyalandı. El dürlikken mäselelerdi «Jas Alaş» gazeti qauzap, tiisti jauap alğanday-aq boldı. Biraq bilim salasında köñildi küpti etken, tüyini tarqamağan taqırıp äli de jeterlik. Osı rette äleumettik jelide qoğamdıq pikir köşbasşıları twşımdı oy aytıp, biliktiñ şaşbauın kötergenderdi sınnıñ astına aluı kerek edi. Dese de bwyığı jwrt äliptiñ artın baqtı.

Rasında, salanı törge emes, körge süyregen basşılıqtıñ bılıqqa tolı äreketin äşkerelep, aşıq oy bildiruge ekiniñ biriniñ tisi batpası anıq. Sondıqtan qarqınına köz ilespeytin salanıñ qazirgi salmağın alıstan orağıtpay, bilim maydanında qarusız küresip jürgen mamanmen tildesip, jaqınnan bajaylaudı jön sanadıq. Respublikalıq «Qazbilim» ortalığınıñ direktorı Ayatjan Ahmetjan arnayı «Halıq» gazeti üşin bilim salasındağı biz bilmeytin auıs-tüyis, reformanıñ jay-japsarın aşıq äñgimelep berdi. Jalğasın oqu…

Ayatjan Ahmetjannıñ kitaptarınıñ tüsau keseri

Astanada tanımal wstaz, himiya salasınıñ bilgiri, aqın, jurnalist, bloger, «Qazbilim» ortalığınıñ direktorı Ayatjan Ahmetjannıñ üş birdey kitabınıñ twsaukeseri ötti, dep habarlaydı BAQ.kz tilşisi.

 

Ayatjannıñ aqındığı bir töbe. Oğan bügin twsaukeseri ötken «Minez» attı jır jinağı kuä. «Aqın bop ğwmır keşiru, oñay dep pe ediñ, qarağım…» degendey, qazirgi qoğamda aqındıqtı bılay qoyıp, adamdıqtıñ qadiri ketip bara jatqanda aqın bolıp ğwmır keşiru de oñay emes.

Al Ayatjannıñ öz isiniñ bilgiri, öz salasınıñ nağız maytalmanı ekenin «Himiya» kitabın oqığanda-aq bilesiz. Bwğan tanımal jurnalist Süleymen Mämettiñ osı keşte aytqan «Qazaq tili tehnikanıñ, ğılımnıñ tili bola almaydı degenderge Ayatjan Ahmetjan osı «Himiya» kitabın jazu arqılı toytarıs berdi» degen bir auız pikiri jetip jatır.

Ayatjan Ahmetjannıñ wstazdığınan bölek, aqındığınan bölek tağı bir qırı bar. Bälkim osı soñğı qırı alğaşqı eki erekşeligin ayşıqtap, äspettep twrğan da bolar. Ol – Ayatjannıñ wltjandılığı. Eger ol wltjandı bolmasa aqın da, wstaz da bola almas edi. Mine, osı qırın tanıtqan kelesi bir tuındı – «Wlt bolam deseñ» dep ataladı.

Bir jılda, bir ayda emes, bir künde üş birdey kitaptı qalay şığara qoydı degileriñiz keler. Ayatjan Ahmetjan maqsatşıl jigit. Ötken 2016 jılı otızğa tolğan jas maman, otızdıñ iığına şıqqanda öz ömirin bir qorıtındılaudı maqsat etken eken. Mine sonıñ jemisi.

Osı keşte arnayı qonaq retinde qatısqan «Darın» ortalığınıñ direktorı Mayra Janorazqızı aytqanday Ayatjan Ahmetjan ön boyınan himiyanıñ barlıq elementi tabılatın adam. Sondıqtan da ol qoğamnıñ kez kelgen salasında talmay eñbek etip keledi.

 

 

Twsau keserdiñ tolıq beyne materialın köriñizder…

MINISTRLIK ÄLEM MOYINDAĞAN ASQAR JWMADILDAEVTI TIÑDASA DEGEN ÖTINIŞIM BAR

Bilim jäne ğılım ministrligine basşılıq qızmetke kelgenine bir jıl toluına oray, Erlan Sağadiev osıdan birer kün bwrın halıqqa esep berip, osı merzim işinde qanday jwmıstar atqarıldı, alda qanday josparlar bar degenge toqtaldı. Bir anığı, bwl orayda, är aluan közqaras, türli pikir bar. “Şımşıq soysa da qasapşı soysın” demekşi, biz bwl mäseleni bilim salasınıñ öz qazanında qaynap jürgen bilikti maman, wstaz Ayatjan Ahmetjanmen birge saraptağandı jön kördik.

– Bir jıl az uaqıt emes. Bir jılda ülken jwmıstar atqaruğa boladı, – deydi Ahmetjan Ayatjan. – Ökinişke qaray, bizde bilim salasına kelgen ärbir ministr öziniñ reformasın alıp keletin ädet qalıptastı. Sol siyaqtı, bwl ministr de öziniñ reformasımen keldi. Qazir zaman özgerdi, aqparattıq tehnologiya damıdı, biraq kez kelgen reforma öziniñ materialdıq bazasına say boluı şart. Eger materialdıq bazası jasalmasa, eşqanday reforma iske aspaydı. Sondıqtan bwl ministrdiñ de reforması kezindegi ministrlerdiñ reforması siyaqtı ayağı joq şarua bola ma degen qorqınış bar. Qorqınıştıñ eñ bastı sebebi, bwl – memlekettiñ qarjısına jasalatın dünie. Bärine uaqıt – töreşi. Biraq himiya, biologiya, fizika, informatika pänderin ağılşınşa oqıtu iske aspaytın joba ekenin birden kesip ayta alamın. Men özim himikpin. Maman retinde aytatınım, himiya pänin eñ aldımen qazaq tilinde beretin mwğalimdermen qamtıp alsın. Sonıñ özi biz üşin ülken jetistik bolar edi. Ekinşiden, bizde Nazarbaev ziyatkerlik mektebin aytpağanda, basqa mektepterde eşqanday materialdıq, zerthanalıq baza joq. Al zerthanalıq baza jasamay twrıp himiyanı ağılşın tilinde ötkizu müyiz swraymın dep qwlaqtan ayırılumen teñ. Öytkeni himiya – zerthanalıq jwmıstı negiz etken ğılım. Damıtqımız kelse, ğılımdı tiriltemiz desek, eñ äueli zerthanalıq baza jasayıq. Sebebi qazir auıl twrmaq, qalanıñ mektepterinde ol joq. Jalğasın oqu…