اياتجان احمەتجان. مەملەكەتتىك گرانت تىلگە ەمەس، بىلىمگە ءبولىنۋى كەرەك

ءبىلىم جانە عىلىم ۆيتسە-ءمينيسترى اسحات ايماعامبەتوۆ تالاپكەرلەر بيىلدان باستاپ ۇبت-نى اعىلشىن تىلىندە دە تاپسىرا الاتىنىن مالىمدەدى. شەندىلەردىڭ وسى باستاماسىنا قاتىستى KAZBILIM ورتالىعىنىڭ ديرەكتورى اياتجان احمەتجانۇلىن از-كەم اڭگىمەگە تارتقان ەدىك.

– تالاپكەرلەر بيىلدان باستاپ ۇبت-نى اعىلشىن تىلىندە دە تاپسىرا الادى دەدى. بۇل پروتسەسس وسى كۇنگە دەيىن قانشالىقتى اشىق جۇرگىزىلدى؟

– تالقىلانعان جوق. بۇل وسىدان ەكى جىل بۇرىن ءۇش تىلدە ءبىلىم بەرۋ باعدارلاماسى قابىلدانعان كەزدە «بولاشاقتا اعىلشىن تىلىندە وقىتىلاتىن پاندەردىڭ ەمتيحانىن اعىلشىن تىلىندە تاپسىرۋعا بولادى» دەپ ايتىلعان. بىراق جالپى جۇرت ول كەزدە ءۇش تىلدە وقىتۋ ماسەلەسىن كوپ تالقىلاپ كەتتى دە، ۇبت مەن اعىلشىن ءتىلى ماسەلەسى كولەڭكەدە قالىپ قويدى. بۇل سول باعدارلامانىڭ زاڭدى جالعاسى. سوسىن، مۇنىڭ ەكى جاعى بار. دۇرىس جاعى – وسى كۇنگە دەيىن ورىس تىلىندە ۇبت تاپسىرۋعا رۇقسات بەرىلىپ كەلدى، وندا نەگە اعىلشىن تىلىندە تاپسىرۋعا رۇقسات بەرمەسكە؟ ءۇش تىلدە وقىتىپ وتىرعان سوڭ سولاي بولۋى كەرەك ەمەس پە؟ دۇرىس ەمەس جاعى – بارلىق ءپاندى ءبىر تىلدە تاپسىرۋ ءبىزدىڭ جاعدايدا قيىنداۋ. ءبىز قازاق ءتىلىن بىلمەيتىن تاعى ءبىر بۋىندى ءوسىرىپ شىعارۋىمىز مۇمكىن. قازاق تىلىنە دەگەن سۇرانىس ازايعان ۇستىنە ازايا تۇسەدى دە، قازاقشا بىلمەيتىندەر اعىلشىنشاعا اۋىسا سالادى. جالعاسىن وقۋ…

بيىل اۋىل بالالارىنىڭ ناتيجەسى تومەن بولۋى مۇمكىن…

ۇبت-نىڭ جاڭا فورماتى بيىل ءبىراز وزگەرىسكە تولى. جىل سايىنعى وزگەرىستەر بالانىڭ ميىن اشىتىپ جىبەرمەي مە؟

  • ۇبت جىل سايىن وزگەرىپ جاتقان جوق. ۇلتتىق بىرىڭعاي تەست 2004 جىلى باستالعان باستالعالى 13 جىل، سول وتكىزىلگەلى 13 جىلدا ەشقانداي وزگەرىسسىز كەلدى، ءبىر ەمتيحان فورماسىنىڭ 13 جىل تۇراقتى بولۋى، قولدانىستا بولۋى ونىڭ دامىتىلماۋى ۇلكەن كەمشىلىك. سوندىقتان ۇبت-نى دامىتۋ، ونى وزگەرتىپ جەتىلدىرۋ ءبىلىم سالاسىن العا سۇيرەۋ ءۇشىن پارىز. سونىمەن بىرگە، الەمدىك عىلىم باسەكەسىنىڭ، قۇندىلىقتاردىڭ، ءبىلىمنىڭ، تەحنيكانىڭ دامۋىنا قاراي بەيىمدەۋ كەزەك كۇتتىرمەيتىن شارۋ. ال، تۇلەك ءۇشىن 11 جىل ىشىندە مەڭگەرگەن ءبىلىمى مىقتى بولسا ول قانداي ەمتيحانعا دا توتەپ بەرە الادى، سەبەبى، ۇبت جاڭا فورماتتا بولعانىمەن بازالىق ءبىلىم ءبىر ستاندارت، ءبىر باعدارلاما. بالانىڭ ميىن اشىتاتىن ۇبت ەمەس، جوق جەردەن شوۋ جاساپ، سۇرەن سالاتىن، سەنتساتسيا ىزدەگەن اقپارات قۇرالدارى. سەبەبى، ونىسىز دا كوڭىلى قوبالجۋلى تۇلەككە ءار اقپاراتتى ءبىر تاراتىپ، ولار قايسىسىنا سەنەرىن بىلمەي دال بولادى.

جالعاسىن وقۋ…