اياتجان احمەتجاننىڭ كىتاپتارىنىڭ ءتۇساۋ كەسەرى

استانادا تانىمال ۇستاز، حيميا سالاسىنىڭ بىلگىرى، اقىن، جۋرناليست، بلوگەر، «قازبىلىم» ورتالىعىنىڭ ديرەكتورى اياتجان احمەتجاننىڭ ءۇش بىردەي كىتابىنىڭ تۇساۋكەسەرى ءوتتى، دەپ حابارلايدى BAQ.kz ءتىلشىسى.

 

اياتجاننىڭ اقىندىعى ءبىر توبە. وعان بۇگىن تۇساۋكەسەرى وتكەن «مىنەز» اتتى جىر جيناعى كۋا. «اقىن بوپ عۇمىر كەشىرۋ، وڭاي دەپ پە ەدىڭ، قاراعىم…» دەگەندەي، قازىرگى قوعامدا اقىندىقتى بىلاي قويىپ، ادامدىقتىڭ قادىرى كەتىپ بارا جاتقاندا اقىن بولىپ عۇمىر كەشىرۋ دە وڭاي ەمەس.

ال اياتجاننىڭ ءوز ءىسىنىڭ بىلگىرى، ءوز سالاسىنىڭ ناعىز مايتالمانى ەكەنىن «حيميا» كىتابىن وقىعاندا-اق بىلەسىز. بۇعان تانىمال جۋرناليست سۇلەيمەن مامەتتىڭ وسى كەشتە ايتقان «قازاق ءتىلى تەحنيكانىڭ، عىلىمنىڭ ءتىلى بولا المايدى دەگەندەرگە اياتجان احمەتجان وسى «حيميا» كىتابىن جازۋ ارقىلى تويتارىس بەردى» دەگەن ءبىر اۋىز پىكىرى جەتىپ جاتىر.

اياتجان احمەتجاننىڭ ۇستازدىعىنان بولەك، اقىندىعىنان بولەك تاعى ءبىر قىرى بار. بالكىم وسى سوڭعى قىرى العاشقى ەكى ەرەكشەلىگىن ايشىقتاپ، اسپەتتەپ تۇرعان دا بولار. ول – اياتجاننىڭ ۇلتجاندىلىعى. ەگەر ول ۇلتجاندى بولماسا اقىن دا، ۇستاز دا بولا الماس ەدى. مىنە، وسى قىرىن تانىتقان كەلەسى ءبىر تۋىندى – «ۇلت بولام دەسەڭ» دەپ اتالادى.

ءبىر جىلدا، ءبىر ايدا ەمەس، ءبىر كۇندە ءۇش بىردەي كىتاپتى قالاي شىعارا قويدى دەگىلەرىڭىز كەلەر. اياتجان احمەتجان ماقساتشىل جىگىت. وتكەن 2016 جىلى وتىزعا تولعان جاس مامان، وتىزدىڭ يىعىنا شىققاندا ءوز ءومىرىن ءبىر قورىتىندىلاۋدى ماقسات ەتكەن ەكەن. مىنە سونىڭ جەمىسى.

وسى كەشتە ارنايى قوناق رەتىندە قاتىسقان «دارىن» ورتالىعىنىڭ ديرەكتورى مايرا جانورازقىزى ايتقانداي اياتجان احمەتجان ءون بويىنان حيميانىڭ بارلىق ەلەمەنتى تابىلاتىن ادام. سوندىقتان دا ول قوعامنىڭ كەز كەلگەن سالاسىندا تالماي ەڭبەك ەتىپ كەلەدى.

 

 

تۇساۋ كەسەردىڭ تولىق بەينە ماتەريالىن كورىڭىزدەر…

تابىسقا جەتپەيتىن ادام ءوزىن اقتاپ الاتىن سىلتاۋ تاۋىپ الادى

 مۇعالىم مارتەبەسى، مۇعالىم مۇڭى تۋرالى مۇعالىمنەن ارتىق ەشكىم ايتپايتىن شىعار-اۋ. وسى ۇستانىمدى ۇستانىپ تانىمال ۇستاز، اقىن، جۋرناليست، بلوگەر، «قازبىلىم» ورتالىعىنىڭ ديرەكتورى اياتجان احمەتجانمەن از-كەم سۇحباتتاسقان ەدىك. سول سۇحباتتى نازارلارىڭىزعا ۇسىنامىز

 ايەكە، 25 جىلدىققا تارتۋ رەتىندە 3 كىتاپ ۇسىنىپسىز. قۇتتى بولسىن. سول ءۇش كىتاپتىڭ تۇساۋكەسەرىن وتكىزگەن سوڭ اتبايلارىڭىز دۇنيەگە كەلىپ، اق تۇيەنىڭ قارنى جارىلىپ جاتىر ەكەن. باۋى بەرىك بولسىن!

— ءاۋمين، راحمەت، سىزبەن ءبىزدى قاۋىشتىرعان وسى تاۋەلسىزدىكتىڭ ارقاسى عوي. تاۋەلسىزدىك ءبىزدىڭ ەلگە ورالۋىمىزعا، وسى ەلدە كوگەرىپ كوكتەۋىمىزگە سەبەپ بولدى. ونى جۇرەكپەن ءسۇيۋ ازاماتتىق پارىزىمىز. بىراق، ءبىز تاۋەلسىز ەلگە ءوز ۇلەسىمىزدى قوسساق دەپ كەلدىك، ەلدەن ەنشى الساق دەپ كەلگەنىمىز جوق. سول ەلگە كەلگەنىمە 10 جىل تولۋىنا جانە ءوزىمنىڭ 30 جاسقا تولۋىما بايلانىستى وزىمە ءبىر ەسەپ، ەلىمە ءبىر ەسەپ بەرگىم كەلدى. ءبىر جىل بويى جازعان-سىزعانىمدى رەتتەدىم. و باستاعى ماقساتىم 5 كىتاپ بولعان، بىراق كەيبىر سەبەپبەرگە بايلانىستى امالسىز ۇشەۋىن عانا شىعاردىق، قالعانى الداعى ۋاقىتتىڭ ەنشىسىندە. ال، وسى قۋانىشقا قاتار كەلگەن اتۇستارىمنىڭ ءومىر ەسىگىن اشۋى اللانىڭ ءبىر بەرگەن سىيى دەپ بىلەم. جالعاسىن وقۋ…

جىل ەسەبى-2016

2016 جىل ءوز ومىرىمدەگى ۋاقىتتىڭ جەتەگىندە جانتالاسقان تەك ەڭبەك ۇستانىمىندا وتكىزىپ كۇنتىزبەلىك پاراقتىڭ 2016 دان 2017 گە اۋىسقانىن سەزبەي قالعان ەڭ ءبىر الاساپىران جىل بولدى. ەل قاتارلى جىلعا قورتىندى جاساپ كورەلىك…

جالعاسىن وقۋ…

ءبىلىم سالاسىنا رەفورما جاساۋ وڭاي، وڭالتۋ قيىن…

  • «ءۇش تۇعىرلى ءتىل» ساياساتى تۋرالى نە بىلەسىز؟ بۇل تۋرالى سىزگە قانداي مالىمەتتەر جەتكىزىلدى؟
  • مەن ءوزىم قازبىلىم (kazbilim.kz) پورتالىنىڭ رەداكتورى رەتىندە دە، ونىڭ ۇستىنە ءبىلىم سالاسى مەن ۇرپاق تاربيەسى تۋرالى ۇنەمى قالام تەربەپ، باسپا بەتىندە جازىپ سىزىپ جۇرگەن قوعامنىڭ بەلسەندى ازاماتى رەتىندە «ءۇش تۇعىرلى ءتىل» ساياساتى تۋرالى تولىق بىلەمىن. جاڭا قابىلدانعان جالپى ءبىلىم بەرۋگە ارنالعان 2016-2019 جىلدارعا ارنالعان ءبىلىم باعدارلاماسىن كورىپ تولىق تانىسىپ شىققانمىن. بۇعان دەيىن دە بۇل باعدارلاما تۋرالى ماقالا دا جازدىم، سۇحبات تا بەردىم. سونداي-اق، باعدارلامانىڭ ارتىق-كەمى تۋرالى ءوز ۇسىنىسىمدى قازىرگى مينيستر ەرلان كەنجەعاليۇلى ساعاديەۆپەن ەكى مارتە كەزدەسىپ، جاڭا كومانداسىنا ءوز ۇسىنىستارىمدى جەتكىزدىم. ۇستاز رەتىندە، ۇلتشىل ازامات رەتىندە ءالى دە ءوز ۇستانىمىمدى، ۇسىنىسىمدى باسپا سوزدە دە، تىكەلەي دە جەتكىزەمىن. ايتۋ، زەرتتەپ تۇيگەن ۇسىنىسىمدى جەتكىزۋ مەنىڭ پارىزىم. ال، ونى تىڭداۋ مەن ىسكە اسىرۋ قولىندا تىزگىنى بار جۇرتتىڭ شارۋاسى. بىراق، قوعام سوزىمەن ساناسىپ جاتقان تىزگىندى جۇرت از. مەن تۇگىل ءمۇيىزى قاراعايداي اكادەميك اعالارىمىزدىڭ شىرىلىن تىڭدار ەمەس.

جالعاسىن وقۋ…

ءتۇس (ساتيرالىق اڭگىمە)

ۇشاق تەرەزەسىنەن سىرتقا كوز تاستاپ وتىرمىن، شەكسىز كەڭىستىك، شەبەر جاراتىلىس، قۇس بوپ ۇشقىڭ كەلەدى. قيالداپ وتىرىپ قالعىپ كەتىپپىن. ءوزىم كەڭىستىكتە ەمەس، قيالىم كەڭىستىككە ۇشقان سەكىلدى. ءتۇس كورىپ كەتىپپىن…

(ەسكەرتۋ، بۇل بەيبىت سارىبايدىڭ ساتيراسى ەمەس، اياتجان احمەتجاننىڭ شىن ءتۇسى. بەيبىت اعاعا ەلىكتەۋ دە، وي ۇرلاۋ دا ەمەس. جاي كورگەن ءتۇستى كوز الدىعا كەلتىرۋ).

بەيبىت اعا، پرەزيدەنت پەن پرەمەردىڭ الدىندا شاي ءىشىپ، قابىلداۋىندا  حالىقتىڭ ءسوزىن سويلەپ وتىرسا، مەنىكى ءسال باسقاشالاۋ.

جالعاسىن وقۋ…