Wşaq terezesinen sırtqa köz tastap otırmın, şeksiz keñistik, şeber jaratılıs, qws bop wşqıñ keledi. Qiyaldap otırıp qalğıp ketippin. Özim keñistikte emes, qiyalım keñistikke wşqan sekildi. Tüs körip ketippin…
(Eskertu, bwl Beybit Sarıbaydıñ satirası emes, Ayatjan Ahmetjannıñ şın tüsi. Beybit ağağa elikteu de, oy wrlau da emes. Jay körgen tüsti köz aldığa keltiru).
Beybit ağa, prezident pen prem'erdiñ aldında şay işip, qabıldauında halıqtıñ sözin söylep otırsa, meniki säl basqaşalau.
Qaladan qıstau izdep jürmin…
Qazaqtıñ keşegi däuirdegi kökteu, jaylau, küzdeu men qıstau attı wğımdarı sanamızda bügin qayta jañğırdı, biraq basqaşa bolıp. Nege demeñiz, bir apta boldı ğalamtor beti men jarnama gazetterin tintip otırmın, izdegenim — qıstau, qıstau bolğanda, otarlap mal aydap, jambastap jatıp soğım jeytin emes, qwşaqtap, balamdı alıp, qısılıp qıstan şığatın, jaldap alıp, jalaqınıñ jartısın beretin qıstau, biraq taptırmaydı- au, şirkin! Jalğasın oqu…
TOLĞANIS
Jastıq şaq – adam ömiri är irimge bir salar asau dariyanıñ eñ tasığan şağı. Dostıq, mahabbat sındı eki alıp sezimniñde är qiırğa tartar, öz älinşe bileter şağı. Bwl kezeñde ara jigi şeksiz qabısqan eki sezimdi ärkim öz älinşe bağamdar.
Eger siz mahabbattı wlı dersiz, onı Oqjetpestiñ köz jetpes şıñına teñersiz, al men dostıqtı Hantäñirdiñ biik şoqısına teñer em; Al siz mahabbattı köz wyaltar gauharğa teñeseñiz, men dostıqtı tat baspas altınğa teñer em; Al siz mahabbattı arşanıñ jasılı men rauşannıñ qoş iisine teñeseñiz, men dostıqtı qarağaydıñ qaysarlığı men aq uızdıñ dämine teñer em.
